ബംഗ്ലാദേശിനെതിരായ മൂന്നാം ടി20യിൽ ഇന്ത്യ 133 റൺസിന് ജയിച്ചു .ഹൈദരാബാദിൽ നടന്ന മത്സരത്തിൽ ആദ്യം ബാറ്റ് ചെയ്ത ഇന്ത്യ 297-6 എന്ന സ്‌കോറാണ് നേടിയത്. സഞ്ജു സാംസൺ 111 റൺസും ക്യാപ്റ്റൻ സൂര്യകുമാർ യാദവ് 75 റൺസും നേടിയപ്പോൾ ബംഗ്ലാദേശിനായി തൻസിം ഹസൻ 3 വിക്കറ്റ് വീഴ്ത്തി
പിന്നാലെ പിന്തുടരാനിറങ്ങിയ ബംഗ്ലാദേശ് പരമാവധി പൊരുതിയെങ്കിലും 20 ഓവറിൽ 7 വിക്കറ്റ് നഷ്ടത്തിൽ 164 റൺസ് നേടാൻ മാത്രമാണ് സാധിച്ചത്.ഇന്ത്യക്കായി രവി ബിസ്‌നോയ് 3 വിക്കറ്റും മയാങ് യാദവ് 2 വിക്കറ്റും വീഴ്ത്തിയപ്പോൾ ബംഗ്ലാദേശിനായി തൗഹീദ് ഹൃദയ് 63* റൺസെടുത്തു.ഈ വിജയത്തിൽ നിസംശയം നിർണായക പങ്കുവഹിച്ച സഞ്ജു സാംസണാണ് കളിയിലെ താരം.ആദ്യ 22 പന്തിൽ അർധ സെഞ്ചറിയിലെത്തിയ സഞ്ജു, പിന്നീടുള്ള 18 പന്തിൽ 100 പിന്നിട്ടു. 47 പന്തുകൾ നേരിട്ട മലയാളി താരം അടിച്ചുകൂട്ടിയത് 111 റൺസ്. ബൗണ്ടറി കടന്നത് എട്ട് സിക്സറുകളും 11 ഫോറും
“ശ്രീലങ്കയിൽ രണ്ട് ഡക്കുകൾക്ക് ശേഷം എനിക്ക് ഒരു അവസരം ലഭിക്കുമോ എന്ന് എനിക്ക് സംശയമുണ്ടായിരുന്നു.ഒരു ഇന്ത്യൻ ക്രിക്കറ്റ് കളിക്കാരൻ എന്ന നിലയിൽ മാനസികമായി ഒരുപാട് കാര്യങ്ങളിലൂടെ കടന്നുപോകുന്നു.പ്രത്യേകിച്ച് പരാജയങ്ങൾ വിജയത്തേക്കാൾ വളരെ ഉയർന്ന ഈ ഫോർമാറ്റിൽ ഒരു ബാറ്റ്സ്മാൻ എന്ന നിലയിൽ നിങ്ങൾ ആക്രമണോത്സുകത പുലർത്തുകയും സ്കോറിംഗ് ഓപ്ഷനുകൾ നോക്കുകയും വേണം. അപകടസാധ്യത കൂടുതലാണ്, അപകടസാധ്യത കൂടുതലായിരിക്കുമ്പോൾ ധാരാളം പരാജയങ്ങളും ഉണ്ടാകുന്നു. എന്നെ പിന്തുണച്ചതിനും വിശ്വാസം പ്രകടിപ്പിക്കുന്നതിനും നന്ദി അറിയിക്കുന്നു” സഞ്ജു സാംസൺ പറഞ്ഞു.
“ക്യാപ്റ്റനും പരിശീലകനും എന്നെ പിന്തുണയ്ക്കുന്നു. കഴിഞ്ഞ പരമ്പരയിൽ പക്ഷേ അവർ എന്നെ പിന്തുണച്ചു, ഒരു ബാറ്റിംഗ് ഗ്രൂപ്പെന്ന നിലയിൽ എതിരാളികക്കെതിരെ ആധിപത്യം സ്ഥാപിക്കാൻ ഞങ്ങൾ പ്രതിജ്ഞാബദ്ധരാണെന്ന് ഞാൻ കരുതുന്നു” സഞ്ജു കൂട്ടിച്ചേർത്തു.
“എനിക്കും നന്നായി കളിക്കാമായിരുന്നു എന്ന് തോന്നി. എന്നിരുന്നാലും, ഒരുപാട് ടൂർണമെൻ്റുകൾ കളിച്ച എനിക്ക് സമ്മർദ്ദവും പരാജയവും എങ്ങനെ കൈകാര്യം ചെയ്യണമെന്ന് അറിയാം. എനിക്ക് ഒരുപാട് പരാജയങ്ങൾ ഉണ്ടായിട്ടുണ്ട്. എനിക്ക് നന്നായി ചെയ്യാൻ കഴിയുമെന്ന് എനിക്കറിയാം. അതിനാൽ ഞാൻ പ്രക്രിയയിൽ ശ്രദ്ധ കേന്ദ്രീകരിച്ചു.രാജ്യത്തിനായി കളിക്കുമ്പോൾ സമ്മർദ്ദമുണ്ട്” സഞ്ജു പറഞ്ഞു