സച്ചിൻ മാത്രം മുന്നിൽ..ടെസ്റ്റ് റൺസ് നേട്ടത്തിൽ റൂട്ട് രണ്ടാമത്, തകർത്തത് സൂപ്പർ റെക്കോർഡ്സ്
ക്രിക്കറ്റ് ലോകത്ത് സച്ചിൻ എന്ന മഹാനായ ബാറ്റ്സ്മാന്റെ തകർക്കാൻ കഴിയാത്ത നിരവധി റെക്കോർഡുകൾ ഉണ്ട്. എന്നിരുന്നാലും, അദ്ദേഹത്തിന്റെ ഒരു റെക്കോർഡ് അപകടത്തിലാണെന്ന് തോന്നുന്നു. ടെസ്റ്റ് ക്രിക്കറ്റിലെ ഏറ്റവും കൂടുതൽ റൺസ് എന്ന റെക്കോർഡാണിത്, ഇംഗ്ലണ്ടിന്റെ ഇതിഹാസ ബാറ്റ്സ്മാൻ ജോ റൂട്ട് അത് തകർക്കാൻ ചീറ്റ വേഗതയിൽ ഇപ്പോൾ മുന്നേറുകയാണ്.
38-ാം ടെസ്റ്റ് സെഞ്ച്വറി നേടിയ ഇംഗ്ലണ്ട് ഇതിഹാസം ജോ റൂട്ട് ഇന്ത്യൻ ഇതിഹാസം സച്ചിൻ ടെണ്ടുൽക്കറെ മറികടന്നു. ടെസ്റ്റ് ക്രിക്കറ്റിൽ ഏറ്റവും കൂടുതൽ റൺസ് നേടുന്ന രണ്ടാമത്തെ കളിക്കാരനായി മാറിയ റൂട്ട്, ഓൾഡ് ട്രാഫോർഡ് ടെസ്റ്റിന്റെ മൂന്നാം ദിനത്തിൽ ഇംഗ്ലണ്ട് ആധിപത്യം സ്ഥാപിച്ചതോടെ സച്ചിനെ മറികടന്ന് ഒരു പ്രധാന റെക്കോർഡ് സൃഷ്ടിച്ചു.ടെസ്റ്റ് ക്രിക്കറ്റിൽ സ്വന്തം മണ്ണിൽ ഏറ്റവും കൂടുതൽ സെഞ്ച്വറികളുടെ പട്ടികയിൽ റൂട്ട് സച്ചിനെ മറികടന്നു. ഇംഗ്ലണ്ടിലെ അദ്ദേഹത്തിന്റെ 23-ാം ടെസ്റ്റ് സെഞ്ച്വറിയാണ് ഇത്.ഹേല ജയവർദ്ധനെ, ജാക്വസ് കാലിസ്, റിക്കി പോണ്ടിംഗ് എന്നിവരോടൊപ്പം റൂട്ട് ഇപ്പോൾ ഒന്നാം സ്ഥാനത്താണ്. സച്ചിൻ 22 സെഞ്ചുറികൾ നേടിയിട്ടുണ്ട്.
മൂന്നാം ദിനത്തിൽ ഒന്നാം ഇന്നിങ്സിൽ 150 റൺസിൽ പുറത്തായ റൂട്ട്..ഇതോടെ ടെസ്റ്റ് ക്രിക്കറ്റിൽ 13,409 റൺസ് നേടിയിട്ടുണ്ട് . സച്ചിൻ ടെണ്ടുൽക്കർ (15,921) മാത്രമാണ് ഈ ഫോർമാറ്റിൽ കൂടുതൽ റൺസ് നേടിയിട്ടുള്ളത്. ഓൾഡ് ട്രാഫോർഡിൽ ഇന്ത്യയ്‌ക്കെതിരായ നാലാം ടെസ്റ്റിൽ സെഞ്ച്വറി നേടിയപ്പോൾ റൂട്ട് മൂന്ന് സ്ഥാനങ്ങൾ ടെസ്റ്റ് ക്രിക്കറ്റ് റൺസ് സ്കോറർ മാരുടെ ലിസ്റ്റിൽ മെച്ചപ്പെടുത്തി . രാഹുൽ ദ്രാവിഡ് (13,288), ജാക്വസ് കാലിസ് (13,289), റിക്കി പോണ്ടിംഗ് (13,378) എന്നിവരെയാണ് അദ്ദേഹം മറികടന്നത്.
കൂടാതെ ഇംഗ്ലണ്ടിൽ ടെസ്റ്റിൽ 7195 റൺസ് നേടിയ റൂട്ട്, ഒരു രാജ്യത്ത് ഏറ്റവും കൂടുതൽ റൺസ് നേടുന്നതായ മൂന്നാമത്തെ ബാറ്റ്സ്മാനാണ് , റിക്കി പോണ്ടിംഗ് (ഓസ്ട്രേലിയയിൽ 7578), സച്ചിൻ (ഇന്ത്യയിൽ 7216) എന്നിവർക്ക് പിന്നിലാണ് റൂട്ട് നിലവിൽ.