തീയുണ്ടയാകുന്ന ആർച്ചർ, റോയൽസിന്റെ പ്രതീക്ഷ ഉയരുന്നു.. ഭയക്കുന്ന എതിർ ടീമുകൾ

ഇന്ത്യൻ പ്രീമിയർ ലീഗിൽ ഇന്നലെ നടന്ന ആവേശകരമായ മത്സരത്തിൽ രാജസ്ഥാൻ റോയൽസ് പഞ്ചാബ് കിങ്സിനെ 50 റൺസിന്‌ പരാജയപ്പെടുത്തി.രാജസ്ഥാനെതിരെ ടോസ് നേടിയ പഞ്ചാബ് ആദ്യം ബൗൾ ചെയ്യാൻ തീരുമാനിച്ചു. തുടർന്ന് ബാറ്റിംഗിനിറങ്ങിയ രാജസ്ഥാൻ 20 ഓവറിൽ 4 വിക്കറ്റ് നഷ്ടത്തിൽ 205 റൺസ് നേടി. ജയ്‌സ്വാൾ 67 റൺസ് നേടി ടോപ് സ്കോറർ ആയി, ക്യാപ്റ്റൻ സഞ്ജു സാംസൺ 38 റൺസും റയാൻ ബരാക് 43* റൺസും നേടി.

പഞ്ചാബിനു വേണ്ടി ലോക്കി ഫെർഗൂസൺ രണ്ട് വിക്കറ്റ് വീഴ്ത്തി.പഞ്ചാബ്, രാജസ്ഥാന്റെ നിലവാരമുള്ള ബൗളിംഗിനെതിരെ തുടക്കം മുതൽ തന്നെ പൊരുതി തോൽവി ഏറ്റുവാങ്ങി, 20 ഓവറിൽ 155-9 റൺസ് മാത്രമേ നേടിയുള്ളൂ. രാജസ്ഥാനു വേണ്ടി നെഹാൽ വാദ്ര 62 റൺസ് നേടി ടോപ് സ്കോറർ ആയപ്പോൾ,ജോഫ്ര ആർച്ചർ മൂന്ന് വിക്കറ്റ് നേടി .ആദ്യ മത്സരത്തിൽ ഹൈദെരാബാദിനെതിരെ 3 ഓവറിൽ 76 റൺസ് വഴങ്ങിയ ആർച്ചർ, ഐപിഎൽ ചരിത്രത്തിലെ ഒരു മത്സരത്തിൽ ഏറ്റവും കൂടുതൽ റൺസ് വഴങ്ങിയതിന്റെ ഏറ്റവും മോശം റെക്കോർഡ് സ്ഥാപിച്ചു.

ഈ മത്സരത്തിൽ അദ്ദേഹം 4 ഓവറിൽ 25 റൺസ് മാത്രം വഴങ്ങി 3 വിക്കറ്റുകൾ വീഴ്ത്തി ശക്തമായി തിരിച്ചു വന്നിരിക്കുകയാണ്.ഈ മത്സരത്തിന് മാൻ ഓഫ് ദി മാച്ച് അവാർഡ് നേടിയ അദ്ദേഹം, ക്രിക്കറ്റിലെ ഏറ്റവും മോശം മത്സരങ്ങളിൽ 76 റൺസ് വഴങ്ങുന്നതാണെന്ന് പറഞ്ഞു. അതേസമയം, 25 റൺസ് മാത്രം വിട്ടുകൊടുക്കുന്ന ഇത്തരം ദിവസങ്ങൾ വരുമ്പോൾ, അത് പൂർണ്ണമായി പ്രയോജനപ്പെടുത്തണമെന്ന് ആർച്ചർ പറഞ്ഞു.

“പരമ്പരയുടെ തുടക്കത്തിൽ തന്നെ ഇത്തരം മത്സരങ്ങൾ ഉണ്ടാകും.ടീമിന്റെ വിജയത്തിന് ഇപ്പോൾ സംഭാവന നൽകാൻ കഴിഞ്ഞതിൽ ഞാൻ സന്തോഷിക്കുന്നു. ഇതുപോലുള്ള ദിവസങ്ങൾ വരുമ്പോൾ, നിങ്ങൾ അത് പരമാവധി പ്രയോജനപ്പെടുത്തണം. നല്ല കാര്യങ്ങൾ സന്തോഷത്തോടെ സ്വീകരിക്കുക. മോശം കാര്യങ്ങൾ മെച്ചപ്പെടുത്തലിനായി സ്വീകരിക്കുക” ആർച്ചർ പറഞ്ഞു.” ചിലപ്പോൾ ബാറ്റ്സ്മാൻമാർ ഭാഗ്യവാന്മാരാണെന്ന് നിങ്ങൾ മനസ്സിലാക്കണം. കാരണം ഇവിടെ എല്ലാവരും നിങ്ങളെപ്പോലെ കഠിനാധ്വാനം ചെയ്യുന്നു. അതിനാൽ എല്ലാവർക്കും നല്ല ദിവസങ്ങളുണ്ടാകണമെന്നില്ല. പക്ഷേ നല്ല ദിവസങ്ങൾ വരും. നിങ്ങൾ അത് സന്തോഷത്തോടെ സ്വീകരിക്കണം, കാരണം മോശം ദിവസങ്ങൾ നിങ്ങളുടെ ചുറ്റുമുണ്ടായിരിക്കാം,” അദ്ദേഹം കൂട്ടിച്ചേർത്തു.